హిందూ జాగరణ సమితి ప్రశ్న :
క్రైస్తవ పరిషత్ సమాధానం :సూర్యుని చుట్టూ భూమి తిరుగు చున్నది కానీ భూమి చుట్టూ సూర్యుడు తిరుగుట లేదు అని యదార్ధం చెప్పినా బైబులుకు వ్యతిరేకంగా ఉందని కోపర్నికస్, గెలీలియోల వంటి శాస్త్రజ్ఞులను హింసించి, అదే మాట అన్నందుకు బ్రూనో అనబడే శాస్త్రజ్ఞుని ఆరు సంవత్సరాలు జైల్లో పెట్టి, అతి కిరాతంగా హింసించి, చివరకు సజీవ దహనం చేసిన ఘనత మీ మతానిది కాదా!
"భూమి చుట్టూ సూర్యుడు తిరుగుచున్నాడు" అని బైబుల్లో ఎక్కడా చెప్పబడలేదు. సుర్యకేంద్రక సిద్ధాంతం బైబుల్ కు వ్యతిరేకం కాదు. కోపర్నికస్, గెలీలియోలు కనుగొన్న సుర్యకేంద్రక సిద్ధాంతం ఆనాటి మత పెద్దలు తమ అధికారాన్ని దుర్వినియోగం చేసుకున్న ఉదంతం అది. ఆ తప్పు క్రైస్తవ మతానిది కాదు, కొందరు నకిలీ క్రైస్తవులది.
హిందూ జాగరణ సమితి ప్రశ్న :ఇలాగే మత పెద్దలు తమ నిరకుశ అధికారాన్ని ఉపయోగించి అమాయకులను, నిర్దోషులను, సజ్జనులను హింసించి చంపిన ఉదంతాలు అన్ని మతాలలోను ఉన్నాయి. అలాంటి దురదృష్టకర సంఘటనలు ఆధారం చేసుకొని మతాన్ని దూషించటం, ద్వేషించటం తెలివితక్కువపని. అన్ని మతాలు గొప్పవే! అయితే అన్ని మతాలలోను ఆ మతాల సారం ఎరుగని నకిలీ భక్తులు ఉన్నారు.
క్రైస్తవ పరిషత్ సమాధానం :చివరికి ఆ శాస్త్రజ్ఞులు చెప్పినదే నిజమేనని మీ మతం 1820 సంవత్సరంలో ఒప్పుకుంది. అప్పుడు మీ మత గ్రంధం యొక్క పరువు ఏమయ్యింది!
హిందూ జాగరణ సమితి ప్రశ్న :కోపెర్నికస్, గెలీలియోలను చర్చి అధికారులు దోషులుగా తీర్పు తీర్చినప్పుడు వారు బైబిలులోని వచనాలను ఆధారంగా చూపించలేదు - గనుక తరువాత చర్చి అధికారులు తమ అభిప్రాయాలను మార్చుకున్నప్పుడు చర్చి అధికారుల పరువే పోయింది. బైబిల్ గ్రంధం యొక్క పరువుకు వచ్చిన నష్టం ఏమీ లేదు!
క్రైస్తవ పరిషత్ సమాధానం :పురుషునికి ఎడమవైపు ప్రక్కటెముకలు, కుడి వైపు ప్రక్కటెముకల కన్నా ఒకటి తక్కువ ఉంటాయని మీ మత గ్రంధం చెప్పింది. అది నిజం కాదని, రెండు వైపులా ప్రక్కటెముకలు సమంగా ఉంటాయని నిరూపించినందుకు వెసాలియన్ అనబడే శాస్త్రజ్ఞుని శిక్షించి అతని చావుకు కారణభూత మైనది మీ మతం కాదా!
"ప్రతి పురుషునికి ఒక వైపు ప్రక్కటెముక తక్కువగా ఉంటుంది" అని బైబుల్ గ్రంధంలో ఎక్కడా వ్రాయబడలేదు. హిందూ జాగరణ సమితి వారు బైబుల్ ను గూర్చి ఏమీ తెలుసుకోకుండానే విమర్శకు బయలుదేరారు. జాగరణ సమితి వారు ఈవిషయంలో మొదట మేల్కొనటం మంచిది.
హిందూ జాగరణ సమితి ప్రశ్న :ప్రతి విషయానికీ "ఈ తప్పు మీ మతానిది కాదా?" అంటూ ఒంటికాలిమీద లేస్తున్న జాగరణ సమితి వారు ఒక విషయాన్ని తెలుసుకోవాలి. ప్రతి తరం లోనూ మతపెద్దలు చేస్తున్న తప్పుడు పనులను ఖండించిన అసలైన భక్తులు క్రైస్తవుల్లో ఉన్నారు. గనుక ఆ తప్పులు క్రైస్తవ మతానివి కావు, అహంకార పూరితులైన కొందరు అధికారులు చేసిన తప్పులు అవి.
క్రైస్తవ పరిషత్ సమాధానం :మన భూమండలం 6,000 సంవత్సరాల క్రితం సృష్టించ బడిందని మీ గ్రంధం చెపుతున్నది, అది నిజం కాదని, భూమి వయస్సు కోట్లాది సంవత్సరాలని నేటి శాస్త్రజ్ఞులు భూగర్భంలో దొరికిన ఎముకలను, ఇతర పదార్దాలను "కార్బన్ డేటింగ్" ద్వారా పరీక్ష చేసి నిర్ణయిస్తున్నారు. దానికి మీరేమంటారు!
"భూమండలం 6,000 సంవత్సరాల క్రితం సృష్టించ బడింది" అని బైబుల్లో ఎక్కడ వ్రాయబడి ఉందొ జాగరణ సమితి వారు రెఫరెన్సు కూడా వ్రాస్తే బాగుండేది. జాగరణ సమితి వారి బైబుల్ పరిజ్ఞానం చాలా గొప్పది! వందలసార్లు బైబుల్ చదివిన మాకే కనిపించని సంగతులు బైబుల్లో జాగరణ సమితి వారికి కనిపించాయి! బాబూ! బైబుల్లో భూమి వయస్సు 6,000 సంవత్సరాలని ఎక్కడా చెప్పబడలేదు. ప్రస్తుత యుగం ప్రారంభమై దాదాపు 6,000 సంవత్సరాలు అని మాత్రమే బైబుల్ చెబుతున్నది.
(మీ సమయాన్ని వెచ్చించి ఓపిగ్గా ఇంతవరకూ చదివిన మీకు మరోసారి ప్రత్యేక ధన్యవాదాలు. అందుబాటులో లేని వారికోసం ఇంకా మరికొన్ని మరలా కలిసాక)
No comments:
Post a Comment